البال ضايق والفكر فيه وسواس

البال ضايق والفكر فيه وسواس

البال ضايق والفكـر فيـه وسـواس
والعين تبكـي مـن قدرهـا حزينـه
والنفس ماتقبل على زحمـة النـاس
والصدر أوسع من مساحـة سفينـه
لكن ليا جاتك علـى ضربـة الـراس
يضيق وسع الكون .. تصبح سجينـه
البارحه فكري غـدا شبـه منحـاس
هاجت قريحة خاطري فـ.. المدينـه
عاجز أدّور بالفـرح نغمـة أجـراس
تشفي جـروح ٍ مـن قساهـا متينـه
لكن إذا حظـك يبـي يتبـع السـاس
وشهي سواتك بيـن حيـن ٍ وحينـه
كل البشر واحد على كثـر الأجنـاس
وجيه ٍ لـ.. قهـر البشـر مستهينـه
حتى الوفا في هالزمن ماله إحسـاس
كثـرة حكـي وإلا الحقيقـه تجينـه
أشخاص تاتي تلحق العلـم بأنفـاس
لا واحسافـه وش بقـا وش خذينـه
في هالزمن لاتشتكي جرحك لـ.. ناس
خلها على صدرك لـو إنهـا حزينـه
العلم خافـي والفكـر فيـه وسـواس
والمـوت واحـد والسفينـه سفينـه

الف شكر مني لك

هالقصيدة عجبتني حيل

يعطيك العافية عليها

ذوقك واختيار القصائد رائع
يعطيك الف عافية

مشكوووووورين على المرور العطر