أسئلة ترفع الضغط

اسئله ترفع الضغط مثلا : -



انت حاط حالتك مشغول على المسن يدخل عليك واحد فاااضي
ويسالك انت مشغووول
لا فاااضي <<< سلامات وش يحس فيه




انت والاهل توكم جاين من السوق تجي اختك او اخوك الصغيره او الكبيره
الي في البيت تقول هاا جييتوا
(لا تونا بالطرييق)<<وش رايك يعني




انت الحين بغرفتك منسدح بفراشك ومطفي الليت (النور) فجأه يدش عليك اخوك\اختك ويفتح الباب ويقولك بتنام؟!!

لا برقص - اكيد بنام !!







انت لابس وكاشخ وقاعد تمشي بالبيت متجه للباب .. فجأه يشوفك واحد من اهلك ويصرخ عليك ويقول بصوت عالي :-
(هااابتطلع !!)

لا بجرب الباب زين ولا لا
الصراحه سؤال خطير !!




انت قاعد بغرفتك وماسك الكتاب قاعد تدرس .. يدش عليك واحد من اهلك يقولك
هاا قاعد تذاكر !!

لا افرش اسناني !! يعني ماسك الكتاب شسوي اكيد ادرس






انت الحين بالكافيه صدفه شفت واحد من الربع او الاهل .. قالك

هاا شتسوي هني !!

ابيع طماط؟؟



لا وتعالو شوفو قنواتنا العجيبه اهما واسئلتهم !!

مثلا بالعيد بيقابلون واحد من الناس شوفو الحوار:-المذيع :- مرحبا عرفنا على أسمك ؟المواطن :- فلان الفلاني . . . . .

المذيع :- شنو تقول لأهلك بالعيد ؟ ! ! !

المواطن :- أقولهم كل عام وأنتم بخير . .

((لا منه المال ومنها العيال))

يعني السؤال تحفه والمذيع ومعد البرنامج اتحف على هالسؤال





والأسخف من هالبديهيات اللي تضيع وقتنا إذا قابلو اليهال (الاطفال) , , ,

يقول المذيع للياهل :- أنت تحب ماما و بابا ! ! !

((لا احبك))

سؤال غبي الصراحه !!






برنامج على الهوا :-

المتصل :- الوو السلام عليكم
المذيع :- وعليكم السلام هلا وغلا

المتصل:-ممكن اشارك


يعني انت داق تبي تطلب فطاير ؟ اكيد علشان تشارك ليش تستأذن !! من زوود الذرابه
الحمدالله و الشكر